गोष्ट दुनियेची - मायक्रोचिप्सच्या निर्मितीत भारत चीनला पर्याय बनू शकतो का? BBC News Marathi गोष्ट दुनियेची पॉडकास्ट
ऑक्टोबर 2022 मध्ये जगातील काही मोठ्या कार उत्पादकांसमोर एक मोठी समस्या उभी राहिली. स्वीडनच्या व्होल्वो कंपनीने घोषणा केली की ते त्यांचा एक कारखाना आठवड्याभरासाठी बंद करतायत. जपानच्या टोयोटानेही त्यांचं उत्पादनाचं लक्ष्य कमी केलं. याचं कारण त्यांच्या गाड्यांची मागणी कमी झाली होती, असं नाही. उलट या गाड्या बनवायला लागणाऱ्या एका महत्त्वाच्या पार्टचा मोठा तुटवडा भासत होता. हा भाग म्हणजेच मायक्रोचिप.
कोविड पँडेमिकच्या काळात निर्मिती खुंटली आणि पुरवठा साखळी तुटली. याचा फटका असा बसलाय की आज दोन-तीन वर्षानंतरही मायक्रोचिप्सचा पुरवठा पूर्ववत झालेला नाही. त्यामुळेच तुम्ही आज बुक केलेल्या काही गाड्यांना तब्बल 6 ते 18 महिन्यांचं वेटिंग असेल.
तैवान हा मायक्रोचिप बनवणाऱ्या प्रमुख देशांपैकी एक आहे. आणि आता तर अमेरिका, चीन आणि भारतसुद्धा मायक्रोचिप निर्मितीच्या बाबतीत आत्मनिर्भर होऊ पाहतायत. तर यंदा गोष्ट दुनियेची ऐकताना आपण एका प्रश्नाचं उत्तर शोधणारोत की मायक्रोचिप्सची ही कमतरता आपण कशी दूर करणार?
ऐका ही गोष्ट दुनियेची.
संशोधन - द इन्क्वायरी, बीबीसी न्यूज
मराठी निर्मिती, लेखन आणि आवाज: गुलशनकुमार वनकर
एडिटिंग - तिलक राज भाटिया
Published on Saturday, 4th February 2023.
Available Podcasts from गोष्ट दुनियेची
We are not the BBC, we only list available podcasts. To find out more about the programme including episodes available on BBC iPlayer, go to the गोष्ट दुनियेची webpage.