गोष्ट दुनियेची - या देशात एवढी रिकामी घरं का आहेत? BBC News Marathi
Download या देशात एवढी रिकामी घरं का आहेत? BBC News Marathi
घर पाहावं बांधून असं म्हणतात. पण घर बांधणंच नाही, तर घर भाड्यानं मिळवणंही कठीण असतं, हे तुम्ही मुंबईत राहात असाल, किंवा तिथे कधी गेला असाल, तर तुम्हाला लक्षात आलं असेल. महाराष्ट्राच्या राजधानीत एकीकडे लोकांना घर मिळवणं कठीण जातं, तर दुसरीकडे एक लाखाहून अधिक घरं रिकामी असल्याचं काही वर्षांपूर्वी माध्यमांत प्रसिद्ध झालेल्या रिपोर्ट्समध्ये तुम्ही वाचलं असेल.
हा विरोधाभास फक्त मुंबईपुरता किंवा भारतापुरता मर्यादित नाही. जपानमध्येही अशी समस्या जाणवते आहे आणि त्यामागे अनेक कारणं आहेत. सरकार त्यावर अनोखे उपायही शोधायचा प्रयत्न करतं.
जानेवारी 2023 मध्ये जपानच्या टोकियो प्रदेशातल्या कुटुंबांसाठी एक आकर्षक योजना जाहीर केली. ते या प्रदेशातला शहरी भाग सोडून बाहेर वसण्यास तयार असतील, तर त्या कुटुंबातल्या प्रत्येक मुलाला दहा लाख येन म्हणजे जवळपास पाच लाख 80 हजार रुपये दिले जातील.
पण यासाठी एक अट अशी होती की घरातील किमान एका व्यक्तीकडे त्या ग्रामीण भागात नोकरी असायला हवी आणि त्यांनी तिथे एखादा धंदा सुरू करण्याचं वचन द्यायला हवं. तसंच सरकारकडून हे पैसे घेतल्यावर पाच वर्षांच्या आत ते पुन्हा शहरात आले तर त्यांना सगळी रक्कम सरकारला परत द्यावी लागेल अशीही अट घालण्यात आली.
जपानमध्ये बहुतांश लोक शहरांत राहतात, तिथे एकीकडे घरांची कमी आणि दुसरीकडे ओस पडलेली घरं अशी समस्या निर्माण झाली आहे. त्यावर उत्तर म्हणून अशा योजना आणल्या जातात. पण नेमकं काय घडतंय? जपानमध्ये लाखो घरं ओस का पडली आहेत, याच प्रश्नाचं उत्तर गोष्ट दुनियेचीमध्ये आज शोधणार आहोत.
मूळ निर्मिती - द इन्क्वायरी, बीबीसी न्यूज
मराठी निर्मिती - जान्हवी मुळे, बीबीसी मराठी
एडिटिंग - तिलक राज भाटिया
Published on Saturday, 24th June 2023.
Available Podcasts from गोष्ट दुनियेची
We are not the BBC, we only list available podcasts. To find out more about the programme including episodes available on BBC iPlayer, go to the गोष्ट दुनियेची webpage.